.... طــــــــــــــــال انتظــــــــــــــــــاري ....

،،

مرحبا بالصوت لو طال انتظاري
&&&&& من حكيت وكل جرح بي بريته

قدري أني باتصالك كنت داري
&&&&& بس طولت الغياب ولا قويته

في قدومك بان للفرحة مواري
&&&&& عادت الطيب يجي لا من طريته

شايفٍ للحب في عينٍ محاري
&&&&& والوفا والصدق في وجهك قريته

من عرفتك والغلا غير مساري
&&&&& غارقٍ بالحب جعلي ما وعيته

كان ستر الليل للعشاق عاري
&&&&& النهار بوجهك العذب اشتريته

لو جفاك الوقت وأشقتك الطواري
&&&&& لا تخاف من الطريق اللي مشيته

ليت كان الحب أول باختياري
&&&&& كان ما غيرك على الدنيا رجيته

ما بعدت ولا تحريت المساري
&&&&& كل دربٍ ساقني يمك سريته

يوم ذقت من الزمن طعم انكساري
&&&&& جيت أكحل شوقنا وأثري عميته

ليلة ما جت مثل باقي نهاري
&&&&& ماذكرت إلا أنت والباقي نسيته

يا حبيبي لا يجي للبعد طاري
&&&&& تو مشوار الغلا ما شاع صيته

الله يبارك بصوتك وانتظاري
&&&&& فدوه لك دام صوتك ما جفيته

،

لــ الشاعر / فيصل البصمــــان.

يعطيك العافيه

يسلمو اخوي ع الموضوغ ..

شكرا لكم

***.... طــــــــــــــــال انتظــــــــــــــــــاري ....***

.... طــــــــــــــــال انتظــــــــــــــــــاري ....